Намнааҕы ЗАГС отдела иһитиннэрэринэн, 2023 сылга 56 ыал үөскээн, дьоннорун-сэргэлэрин үөрдүбүттэр, 86 ыал арахсан хомоппуттар. 2022 сылга 301 оҕо төрөөбүт буоллаҕына, 2023 сылга 249 оҕо күн сирин көрбүт.
Улуус үрдүнэн 122 дьиэ хаарбах туруктааҕынан ааҕыллыбыт, ол иһигэр Хатырыкка — 16 дьиэ.
Олунньу 23 күнүгэр «Хатырыктар түмсэллэр» тэрээһин буолуо, Улуу убайбыт М.К. Аммосов төрөөбүт түөлбэтигэр киирэн алгыс ылыахтара, инники үлэлэрин сүбэлэһиэхтэрэ.
Олунньу 26 күнүгэр Хатырыкка улуус нэһилиэктэрин дьаһалталара сыллааҕы үлэлэрин түмүктэрин таһаарыахтара.
Кулун тутар 8 күнүгэр волейболга көлүөнэлэр көрсүһүүлэрэ буолуо.
Россия президенин быыбарыгар олунньу 17 күнүттэн кулун тутар 6 күнүгэр дылы обходчиктар үлэлиэхтэрэ, дьиэлэри кэрийэн хас киһи олорорун суруйуохтара. Ыттаах дьон ыттаргытын баайаргытыгар көрдөһөллөр.
Кулун тутар 2 күнүгэр улууска Хатырык күннэрэ буолуохтара.
«Якутия мастеровая» быыстапкаҕа Ноговицына А.А., Васильевтар, Корякина М.П., Бугаева П.В., Мухин В.Н., Жирохова М.С. кыттыыны ылыахтара.
Урукку бэтэрээннэр сэбиэттэрэ уларыйан «Алгыс» биэнсийэлээхтэр сэбиэттэрэ диэн буолла. Салайааччынан Дьяконова С.В., кини солбуйааччытынан Лукина В.Н. буоллулар.
Кулун тутар 30-31 күннэригэр улуус хоту нэһилиэктэрин биэнсийэлээхтэрин спартакиадата Хатырыкка буолуо.
Нэһилиэккэ 14 ынах төрөөбүт , бэтэринээрдэр анализ ыла сылдьаллар.
Бүгүн Хатырыкка Пионерия 100 сылын бэлиэтээтилэр.
Эрчим Баһыл