Күөх быйаҥы сомсорго бэртээхэй күннэр тураллар. Улуустааҕы тыа хаһаайыстыбатын управлениетыгар иһитиннэрбиттэринэн от ыйын 19 күнүнээҕи туругунан барыта 1192,5 гектарга от охсуллубут, 1008,3 т от бэлэмнэниллибит. Ходуһаҕа барыта 222 звено оттуур, о.и. 154 механизированнай, 68 механизированнай аҥардаах, 367 киһи үлэлиир, 297 техника хабыллыбыт.
Нэһилиэктэринэн от охсуутун (га) / кэбиһиитин (т) көрдөрүүтэ:
-Арбын — 65,0/-
-Бөтүҥ — 22,5/11,2
-Үөдэй — 0
-Искра — 36,0/21,6
-Көбөкөн — 350,0/250,0
-Модут — 0
-Партизан — 45,0/30,0
-Таастаах — 14,0/13,5
-Түбэ — 0
-Фрунзе — 70,0/26,0
-Хатырык — 20,0/20,0
-Хатыҥ Арыы — 73,0/20,0
-1 Хомустаах — 0
-2 Хомустаах — 216,0/366,0
-Хамаҕатта — 45,0/79,0
-Никольскай — 63,0/55,0
-Салбаҥ — 153,0/116,0
-Ленскэй — 0
-Маймаҕа — 20,0/-
Оттуурга табыгастаах, кураан күннэр тураллар. Билигин бары кэриэтэ тэрээһиннээх уонна кэтэх хаһаайыстыбалар техника күүһүн туһанан хотуулаахтык оттууллар. Бу итии күннэргэ от хачыгыраччы куурар, мунньуу таһаааран ходуһаларга кэбиһиилээх оту, рулону кэккэлэтэргэ анаабыт күннэр сатыылаатылар. Онон отчуттарбыт хоннохтооктук оттуурга тэтими өссө улаатыннарыахтара диэн эрэнэбит.
Касьян ОЛЕСОВ-Олук