«Хотойдор» хамаандаларыгар ыҥыраллар

«Хотой» ДНД хамаандата тохсунньу 28 күнүгэр 2024 сылга ыыппыт үлэтин отчуоттаата, саҥа сылга былаан ылынылынна.

Хатыҥ Арыы нэһилиэгэр «Хотой» общественнай тэрээһин 2016 сылтан Мичил Борисович Герасимов салайааччылаах ситиһиилээхтик үлэлээн кэллэ. 2024 сылга 17 киһилээх хамаанда 39 рейдэ ыыппыт, саас, күһүн, сайын сэрэтэр-өйдөтөр үлэни саастарын ситэ илик оҕолорго ыыталлар, маҕаһыыннарга сылдьан табах, энергетическэй утахтар атыыламматтрын туһунан суруктары тарҕаталлар. Маны тэҥэ нэһилиэк, улуус, республикатааҕы улахан тэрээһиннээх күрэхтэргэ, мероприятиеларга дьуһуурустубаҕа тураллар, сааскы халаан уутун кэмигэр эр дьон дружиннактар даамбаҕа дьуһуурустубалыыллар. Нэһилиэккэ ыытыллар общественнай олоххо көхтөөхтүк кытталлар.

Мунньаҕы баһылык Иван Ноговицын иилээн ыытта, профилактика үлэтигэр көхтөөх кыттыыларын иһин Туйаара Винокуроваҕа, Кирияна Корякинаҕа махтал суругун туттарда.


Ыҥырыылаах ыалдьыт Россия Федерациятын Ис Дьыалаҕа Министиэристибэтин Нам улууһугар отделын, полиция начальнига, полиция подполковнига Сосин Михаил Викторович 2024 сыл түмүгүнэн бастыҥ активист дружинниктарга отдел аатыттан грамоталары- Мичил Герасимовка, Надежда Сивцеваҕа, Леонид Чупровка, Никита Килбясовка, махтал суруктары-Дмитрий Кривошапкиҥҥа, Владимир Власовка, Гаврил Макаровка, Саргылана Сметанинаҕа, Леонид Соловьевка, Айталина Винокуроваҕа, Григорий Пермяковка, Петр Охлопковка туттарда.


Командир Мичил Герасимов, нэһилиэк дьаһалтатын исписэлииһэ, дружинник Надежда Сивцева, дружиннактар үлэлэрин-хамнастарын сырдаттылар, кэлэр сыл үлэ былаанын билиһиннэрдилэр.

«Хотой» дружина 2020 сылтан саҕалаан Ил Дархан ДНД-лар үлэлэригэр анаммыт республикатааҕы субсидияҕа сыллата көтүппэккэ кыттан, грант ылаллар. Ааспыт 2024 сылга 264 973,12 солк. суумалаах субсидия ылбыттара.
Бу күн икки саҥа дружинниктар Аппааны олохтоохторо Евдокия Корчанова, Сардана Гаврильева хамаандаҕа киирдилэр. Үүммүт 2025 сылга Улуу Кыайыы 80 сылын көрсө элбэх үбүлүөйдээх тэрээһиннэр ыытыллалларынан, дружина састааба хаҥыырыгар, эдэр эрчимнээх ыччаттары «Хотойдор» хамаандаларыгар ыҥыраллар.

Надежда Сивцева