Е.С. Сивцев — Таллан Бүрэ аатынан орто оскуола улахан кылаас оҕолоругар «Бэйэҥ идэҕин сөпкө тал» диэн профориентационнай уруок сэтинньи 15 күнүгэр ыытылынна.
Бу күн ыалдьыттарынан буоллулар: Дьокуускайдааҕы пединститут Социальнай педагогикаҕа кафедратын старшай преподавателэ, профориентатор Туйара Валерьевна Евдокарова уонна пединститут социальнай педагогика салаатын устудьуоннара Мария Сабарайкина, Анисья Атласова, Симон Саввинов.
Уруок саҕаланыыта Туйара Валерьевна үөрэнээччилэргэ инникитин идэлэрин талалларыгар үгүс интэриэһинэй, туһалаах сүбэ-ама биэрдэ, Хотугулуу-Илиҥҥи Федеральнай университет туһунан билиһиннэрдэ. Үөрэнээччилэри каникулларын кэмигэр пединститут ыытар профүөрэхтэригэр киирэн дьарыктаналларыгар ыҥырда.
Салгыы устудьуоннар Мария Сабарайкина, Анисья Атласова, Симон Саввинов үөрэнээччилэргэ анаан профориентационнай оонньуулары, экспресс-диагностика ыыттылар. Түмүккэ үөрэнээччилэр туһалаах истиҥ көрсүһүү буолла диэн санааларын үллэһиннилэр. Ыалдьыттарбытын кытта уопсай хаартыскаҕа түһүүнэн профориентационнай уруокпут түмүктэннэ.
Валентина Колесова, Бөтүҥ олохтох модельнай библиотекатын сэбиэдиссэйэ