“Ипподром” түөлбэ оҕолоругар кулун тутар 30 күнүгэр “Ураа, сааскы каникуллар!” тэрээһин тэриллэн олус көхтөөхтүк ыытылынна.
“Көрдөөх старт” араас түһүмэхтэрин Альбина уонна Евгений Дьячковскайдар дьиэ кэргэннэрэ толкуйдаан, бэлэмнээн ыыттылар.
Халлаан төһө да тыалырдар, түөлбэ актива, төрөппүттэр оҕолорун тэрийэн ыытан, сорохтор оҕолорун кытта бииргэ кэлэн тэҥҥэ көх нэм буолан күрэхтэһии олус тыҥааһыннаахтык уонна сонуннук ыытылынна. Төрөппүт Евгений Николаевич хамаандатынан, түһүмэхтэр түргэнник, тохтоло суох ыытыллан оҕолор олус астыннылар, сибиэһэй салгыҥҥа дуоһуйа сүүрдүлэр, оонньоотулар.
Түмүгэр, кэлбит оҕолорго барыларыгар түөлбэ салайааччыта Осипова Татьяна Иннокентьевна минньигэс анал бириистэри уонна тэрийээччи Дьячковскайдар дьиэ кэргэҥҥэ Махтал сурук, өйдөбүнньүк бэлэх туттартаата.
Бу тэрээһиммитигэр оҕолорго бириистэри актив олохтоохтортон хомуйбут взнос харчытынан оҥордо. Түгэнинэн туһанан, араас тэрээһиннэрбитигэр активиспыт С.Н. Кутукова өрүү көмөнү оҥорорун иһин, олохтоохтор ааттарыттан махталбытын тиэрдэбит.
Үөрэх дьылын бүтүүтэ, оҕолорбутугар Оҕо спордун сылынан Ыһыах тэрийиэх буолан, актив Евгений Николаевичтыын былааннаатыбыт.
“Ипподром” түөлбэ актива