Намнааҕы техникум устудьуоннара, “Искра” волонтер этэрээтэ муус устар 2-4 күннэригэр аҕам саастаахтарга улахан көмө оҥорбуттар.
“Искра” волонтер этэрээтэ ветеран Михалева Татьяна Филипповнаҕа үс күн устата дьиэ ис-тас өттүгэр үлэлээбиттэрин Нам улууһун дьиэ кэргэн уонна ыччат политикатын отделын салайааччыта Екатерина Евстафьева этэр. Барыта 14 устудьуон хаар таспыт, дьиэ үрдүттэн хаар ыраастаабыт.
Устудьуоннар салгыы Аппааныга олорор техникум ветераныгар Ноговицына Раиса Гаврильевнаҕа көмөлөспүттэр. Ону тэҥэ, Намнааҕы техникум оҕолоро Граф Биэрэгэр олохтоох ветераннарыгар, соҕотох олорор кыаммат дьоҥҥо үлэлээбиттэр. Бэлиэтээн эттэххэ, “Искра” этэрээт байыастара аҕам саастаахтарга 2019 сылтан баҕа өттүнэн көмөлөһөллөр эбит.
Аҕам саастаахтар ыччакка баҕа санааларын аныыллар:
“Улахыын-улахан махтал эһиэхэ. Оҕолор үтүө мааны үлэһит, кыһалҕалаахха кыаммакка куруук итинник үөрэ-көтө көмөлөһө сырыттыннар. Дьон үтүө махталын ылан дьоһун-мааны үлэһит буолун, дьоллоох, доруобай буоллун диэн алгыспын тиэрдэбин”.
“Улаатан эрэр дьон диэтэххэ, олус үлэһиттэр, маладьыастар! Таҥара алгыһынан этэҥҥэ буоллуннар”.
Харысхан Попов