Нам улууһун Хатырыгар ыам ыйын 20 күнүгэр СӨ Ил Дархана Айсен Николаев үлэлээбитэ. Ил Дархан олохтоохтор кыһалҕаларын истэн, Хатырык ыалларын кытта кэпсэтэн көмө баар буолуоҕа диэн эрэннэрдэ.
Валентин Васильев, Хатырык олохтооҕо:
— Ил Дархан Айсен Сергеевиһы кытта кэпсэтиибэр уолуйумаҥ, ыксаамаҥ, долгуйумаҥ, санаарҕаамаҥ диэн чопчу эппитэ. Салалтаттан күүстээх көмөнү оҥоруохпут диэбитэ. Ону тэҥэ, эбэ маннык улаханнык халаанныырын билэр этиҥ дуо диэн ыйытыытыгар, Хатырыкка маныаха майгынныыр сааскы халаан уута ааспыт 30-с уонна 60-с сылларга кэлбиттээҕин кырдьаҕастар кэпсээннэриттэн истэн билэрбин эппитим. Айсен Николаев халаантан эмсэҕэлээбит элбэх ыалга сылдьыбыта, элбэх санааны истибитэ.
Бүгүҥҥү күҥҥэ Хатырыкка уу түһэн саҕалаата. Нэһилиэкпитигэр ЫБМ үлэһиттэрэ, быыһааччылар, волонтердар кэлэн күүстээх үлэ саҕаланна. Дэриэбинэ иһигэр олорон хаалбыт ууну кыамталаах массыыналар оботторуу үлэтин ыыта сылдьаллар. Холобура, быыһааччы уолаттары ыҥырдыҥ да, тута баар буола түһэллэр. Көмөлөһөн абыраатылар.
Харысхан Попов