Партизан нэһилиэгэр “Дорога памяти” диэн тэрилтэлэринэн кэрийэр эстафетнай Знамя оҥороммут бастакы айанын саҕалаата.
Бу Знамя Партизан нэһилиэгин Аҕа дойду уоттаах сэриитин кыттыылаахтарыгар, сэрии толоонугар геройдуу охтубут, сураҕа суох сүппүт, Ытык ветераннарбыт өлбөт сүппэт ааттарын үйэтитэн, сүгүрүйүү бэлиэнэн буолар.
Олунньу 14 күнүгэр “Улуу Кыайыы 80” сылын көрсө Партизан нэһилиэгэр “Дорога памяти” диэн тэрээһиммит чэрчитинэн “Айылгы” Партизан орто оскуолатыгар “Ленинград, Сталинград алдьархайа” диэн Аҕа дойду сэриитин саамай кырыктаах, алдьархайдаах сэриитин, Ленинград уонна Сталинград куораты босхолооһуҥҥа сэриилэспит сэрии ветераннарын дьиэ кэргэттэрин кытта көрсүһүү тэрийдибит.
Көрсүһүүгэ ыҥырыллан ыалдьыт буоллулар, Ленинград куораты босхолооһуҥҥа геройдуу охтубут, оскуолаҕа учууталлыы сылдьан ыҥырыллан барбыт Сивцев Иннокентий Николаевич сиэннэрэ – Сивцева Ольга Олеговна, Павлова Анастасия Михайловна. Ленинград уонна Сталинград куораттары босхолооһуҥҥа сэриилэспит “Хорсунун иһин” мэтээллээх Улуу Кыайыы ветерана Алексеев Тит Павлович дьиэ кэргэнэ – улахан кыыһа Протопопова (Алексеева) Клавдия Титовна, кыра кыыһа Васильева (Алексеева) Полина Титовна, сиэнэ Бережнева (Протопопова) Татьяна Викторовна, сиэнэ Харитонова (Васильева) Владилена Владимировна, сиэнэ Сивцева (Протопопова) Дария Викторовна. Ленинград куорат босхолооһунугар сэриилэспит Улуу Кыайыы ветерана Федоров Дмитрий Григорьевич дьиэ кэргэнэ – сиэнэ Мокрощупова Маргарита Дмитриевна, хос сиэннэрэ 8-с кылаас үөрэнээччитэ Федоров Алгыс Дмитриевич, 10-с кылаас үөрэнээччитэ Федоров Сергей Дмитриевич. Сталинград куораты босхолооһуҥҥа сэриилэспит Улуу Кыайыы ветерана Сивцев Дмитрий Афанасьевич дьиэ кэргэнэ – Артемьева Февронья Ивановна, Байаҕантай Кулан хаан Сэргэй уола, Марина Евгения Ивановна, Евдокия Ивановна Стручкова.
Тэрээһиммитин ССРС уонна Партизан нэһилиэгин өрөгөй ырыаларынан арыйдыбыт. Оскуола оҕолоро ыалдьыттарга анаан музыкальнай нүөмэрдэри бэлэхтээтилэр. Партизан нэһилиэгин баһылыга Алексей Николаевич Зырянов, үтүө-мааны алгыс тылларын тиэртэ, махтал суруктары уонна сэмэй бэлэхтэри туттартаата.
“Айылгы” орто оскуолатын дириэктэрэ Аммосова Надежда Николаевна оскуола аатыттан истиҥник махтанан, махтал суруктары туттардылар. Онтон “Дорога Памяти” Знамябытын сүһүөхпүтүгэр туран, сүгүрүйэ махтана көрүстүбүт. Знамяны тутан киллэрдэ Федоров Д.Г. хос сиэнэ Федоров Алгыс. Знамя киирбитин кэннэ биир мүнүүтэ тохтобул буолла.
Экраҥҥа блокада туһунан видео көрдөрдүбүт, олохтоох түмэл экспонаттарынан быыстапка оҥордубут. Биһиги Ытык ыалдьыттарбыт оҕолорго анаан эһэлэрин, аҕаларын туһунан киинэ оҥорон көрдөрдүлэр, кэпсээтилэр. Оскуола уонна нэһилиэк түмэлигэр буклеттары бэлэх оҥордулар.
Оҕолорго анаан кылаастарынан “Хартыынаны тыынааҕымсытыы” күрэххэ, бастакы миэстэ 10-с кылаас буолла. “Кыайыы туһугар” хоһоон күрэҕэр бастакы миэстэ 7-с кылаас буолла.
Оҕолорго анаан нэһилиэк модельнай библиотекатын сэбиэдиссэйэ Соловьева Прасковья Романовна Сталинград уонна Ленинград сэриитин, блокада туһунан викторина ыытта, бу тургутук күрэххэ бастакы миэстэ 6-с кылаас үөрэнээччитэ Протопопова Чэмэлиинэ буолла.
Улуу кыайыыны уһансыбыт сэрии ветераннарын дьиэ кэргэннэригэр оскуола бэрэсидьиэнэ Гуляев Кэскил эҕэрдэ тыл уонна эдэр кэнэҕэски ыччат аатыттан “Улуу Кыайыыны бэлэхтээбит, сэрии ветераннарын өлбөт-сүппэт ааттарыгар сүгүрүйэбит уонна кинилэр оҥорботохторун оҥоруохпут, ситэрбэтэхтэрин ситэриэхпит” диэн түмүктээтэ.
Күрэх кыттыылаахтарыгар Ытык ыалдьыттарбыт олус бэртээхэй бириистэри туруордулар. Онтон уопсай хаартыскаҕа түһүү буолла. Ол кэннэ оскуола түмэлин көрдүлэр уонна нэһилиэк балаҕаныгар көрүстүбүт.
Маннык тэрилтэлэринэн сылдьан оҕолорбутун патриотическай тыыҥҥа үөрэтиэхтээхпит, бэтэрээнэрбитин билиэхтээхпит.
С.Н. Стручков аатынан “Албан Аат” түмэл кэллэктиибэ Улуу Кыайыы ветераннарын сыдьааннарыгар, нэһилиэк дьаһалтатыгар, оскуола кэллэктиибигэр, олохтоох библиотекаҕа махтанабыт.
Сардана Харысхал, кыраайы үөрэтэр Түмэн салайааччыта