Бүгүн «Нам улууһа» МТ актовай саалатыгар тэрилтэлэр салайааччылара уонна бэрэстэбиитэллэрэ кыттыылаах контрагынан сулууспа тула кэпсэтии тэрилиннэ. Сүбэ мунньаҕы улуус баһылыга Юрий Слепцов салайан ыытта.
Санаа атастаһыытын түмүгүнэн нэһилиэнньэ, тэрилтэлэр үлэһиттэрин ортолоруттан баҕа өттүнэн Арассыыйа Сэбилэниилээх күүстэригэр контрагынан сулууспалыы барыыга өйдөтөр үлэни күүһүрдэргэ, үүнэр көлүөнэни, ыччаты төрөөбүт сири-уоту, дойдуну таптыырга, кининэн киэн туттарга иитэр суолталаах тэрээһиннэри ыытарга, тэрилтэлэргэ контрагынан сулууспалыырга анаммыт истиэндэлэри оҥорон ыйыырга, онно туһаайыллыбыт ис хоһоонноох баннердары туруорарга, хаһыакка патриотическай тыыҥҥа иитэр ис хоһооннох матырыйааллары бэчээттииргэ, социальнай ситимҥэ оннук хабааннаах иһитиннэриилэри тарҕатарга о.д.а. ыйыы-кэрдии оҥоһулунна. Тэрилтэлэр салайааччыларыгар контрагынан сулууспаҕа сыһыаннаах буклеттар тарҕатылыннылар.
Касьян Олесов-Олук