Кырачааннарбыт айаллар-туталлар

Бүгүн тохсунньу 31 күнүгэр Ленскэй нэһилиэгин «Туллукчаан» уһуйааныгар «Эһээм хоһоонноругар уруһуйдарым» диэн бэлэмнэнии бөлөх иитиллээччитэ Настя Бубякина бастакы персональнай быыстапката буолла. Настя эһэтэ Иван Афанасьевич Бубякин – ССРС культуратын туйгуна, поэт, биллиилээх мелодист, композитор.

Быыстапкаҕа Настя эһэтин оҕоҕо аналлаах хоһоонноругар анаан уруһуйдаабытын туруорда. Бэйэтин саастыылаахтарыгар үлэтин ис хоһоонун кэпсээтэ. Саҥа сүүрээнинэн, сорох уруһуйдарын шопперга уонна футболкаҕа түһэрбитин көрдөрдө.

Түмүгэр Настя биир саастыылаахтарыгар хоһоону сөбүлээн төрөппүттэрин кытта ааҕарга, бириэмэни туһалаахтык атаарарга уонна эһэлэргэ, эбэлэргэ болҕомтолоох сыһыаннаах буоларга, кинилэр үлэлэрин, ураты туох дьоҕурдаахтарын интириэһиргээн, үтүө холобур оҥосторго ыҥырда.

Ыалдьыппыт Иван Афанасьевич биһиги уһуйааммытыгар сиэннэрэ бары сылдьан үтүө-мааны дьон буола улааппыттарыгар махталын эттэ уонна оҕолор сайдалларыгар сахалыы остуол оонньуутун хаамысканы оҥорбутун бэлэх уунна.

Наталья Попова

Читайте дальше