Хатырыкка Аҕа дойду Улуу сэриитин кыттыылааҕа Петр Чепалов кэриэһигэр гиирэ спорда буолла. Ол курдук, орто баайыылаах нэһилиэктэр олунньу 8 күнүгэр ким ханна күүстээҕинэн гиирэҕэ, чэпчэки атлетикаҕа айаннаабыта.
Намҥа ыытыллар быйылгы күрэхтэһиилэр барыта буолаары турар “Манчаары оонньууларыгар” сыалланаллар. Спортсмен ханнык таһымҥа тиийбитин билии, сыыһалары көннөрүү күрэхтэһиилэрэ. Дуоһуйуу баар эрээри, ыһыктыныы тахсыбат!
Күүстээх бастыҥ гиревиктэр Хамаҕаттаҕа бааллар. Ол дакаастанар – комплекснай спартакиада гиирэ көрүҥэр 9 кыһыл көмүс мэтээли ыллылар. 28 очукуонан сабырыйтарбыт Хатыҥ Арыы (82 очукуо) иккис уонна 2 Хомустаах (86 очукуо) үһүс буолаллар. Онтон Түбэ, Ленскэй нэһилиэк, Үөдэй, Хатырык, Модут, Партизан кэлэллэр.
Бэлиэтээн эттэххэ, 2 Хомустаах улахан нэһилиэктэргэ куоталаһыыга ыҥырыы быраҕар буолла. Ол курдук, кини чэпчэки атлетикаҕа 4 очукуонан хаалан 3-с миэстэ буолбута.
Харысхан Попов