Санкт-Петербурга байыаннай госпиталга бааһыран эмтэнии ааһар байыаннай дьайыы кыттыылаахтарыгар Ленскэй нэһилиэк олохтооҕо, депутат Иннокентий Суздалов бэйэтин кылаатын киллэрэр. Иннокентий Иннокентьевич 5,5 киилэ тайах этинэн көмөлөстө.
Нам сэлиэнньэтин түөлбэлэрин салайааччылара маскировачнай сетка өрүүтүгэр Общественник дьиэтигэр биир санаанан түмсэллэр. Ол курдук, “Даадар” түөлбэ салайааччыта Т.Т. Местникова, “Строительнай” түөлбэ салайааччыта В.В. Прокопьева, “Ржевскай” түөлбэ салайааччыта М.Д. Трапезникова, “Октябрьскай” түөлбэ салайааччыта С.Н. Неустроева, “Базовай” түөлбэ салайааччыта В.А. Охлопкова.
Бүгүн сетка өрүүтүн үлэтин сэлиэнньэ атын түөлбэлэрин салайааччылара салгыахтаахтарын Ленскэй нэһилиэк олохтоох дьаһалтатын үлэһитэ Полина Иванова этэр. Сетканы «Шоколад» атыы-эргиэн киинэ биэрэн көмөлөспүт.
Харысхан Попов