Нам сэлиэнньэтин ветераннара Хатырыкка Максим Аммосов аатынан Саха сирин судаарыстыбаннаһын историятын музейыгар сылдьыбыттар.
«Музей үлэһитэ Станислав Дьяконов ветераннары истиҥник көрсөн, музей туһунан саастаах киһиэхэ интэриэһинэйдик, өйдөнүмтүөтүк тиэрдэн сиһилии үчүгэйдик көрдөрдө, кэпсээтэ. Олохтоох дьаһалта суоппара Николай Неустроев, урбаанньыт Дмитрий Попов айаны биллэрбэккэ биһигини арыаллаабыттарыгар, музей дириэктэрэ Александр Кириллиҥҥа, Станислав Дьяконовка, музей үлэһиттэригэр биһиги, ветераннар махтанабыт», — Ленскэй нэһилиэк ветераннарын сэбиэтин председателэ Вера Попова этэр.
Аҕам саастаахтар кыһыҥҥы кэмҥэ биир сиргэ олорон чуҥкуйбакка, маннык тэрээһиннэргэ кыттыыны ылаллар. Кинилэр мантан сэргэхсийэллэр, үөлээннээхтэрин көрсөллөр, уруккуну-хойуккуну санаһаллар. Убаастабыллаах ветераннарбытын кытта ыкса үлэлэһээччилэргэ, кыһанааччыларга махтанабыт.
Харысхан Попов