Хамаҕаттаҕа олохтоох библиотекарь Марина Корякина балаҕан ыйын 27 күнүгэр Аан дойдутааҕы Литературнай диктаҥҥа ааҕааччыларын кытыннарбыт.
— Бу акция 2021 сылтан буолар. Биһиги аан бастаан кытынныбыт. Бииргэ үлэлэһэр Аида Местникова сэбиэдиссэйдээх «Тускул» уһуйааммыттан үлэһиттэр уонна төрөппүттэр, В.П. Артамонов аатынан Саха-француз лицейтэн 10 «а» кылаас үөрэнээччилэрэ диктаҥҥа холоннулар. Нуучча литературатыттан тест көрүҥүнэн 20 ыйытыыга эппиэттээтилэр.
Барыта 31 киһи (ол иһиттэн уһуйаантан — 19) литератураҕа билиитин тургутан көрдө. Улахан дьонтон уһуйаантан сангигиенист Антонина Герасимова үрдүк, оҕолортон Руслан Эверстов, Ян Кутуков, Софи Макарова элбэх баалы ыллылар.
Библиотека тэрээһиннэригэр өрүү көхтөөхтүк кыттар ааҕааччыларбар махтанабын уонна библиотека аана куруук аһаҕас, саҥа кинигэлэр кэллилэр, ыҥырабын, — диэн сонуннаах Марина Саввична.
Мария Винокурова