2013 сылтан от ыйын 2 күнүгэр Өлүөнэ эбэ күнэ бэлиэтэнэр. Бу күн Хатыҥ Арыы нэһилиэгэр Өлүөнэ өрүс кытылын ыраастаатыбыт.
Ол курдук, кытылга сааскы халаан уута бырахпыт бөҕүн, маһын «Гильдия» устудьуоннар этэрээттэрэ хомуйда. Уолаттар улахан бөҕү тыраахтар бырысыабыгар тиэйдилэр. Ону тэҥэ Граф Биэрэгэр мотуордаах оҥочо тохтобулун тулата ыраастанна.
Манна биэрэк кытыытыгар от ыйын 1 күнүттэн иккис сезоҥҥа үлэлии тахсыбыт «Бригантина» сервиснэй этэрээт оҕолоро үлэлээтилэр. Өлүөнэ эбэ күнүн көрсө бөҕү хомуйдулар, кууллаатылар.
Саха сирин маанылаах, кыраһыабай, модун күүстээх Өлүөнэ өрүспүтүн харыстыаҕыҥ, киртитимиэҕиҥ!
Надежда Сивцева