Нам улууһун Ленскэй нэһилиэгэр Оҕо спорда уонна Ыччат сыла буоларынан, оскуола үөрэнээччилэрин уонна үлэ коллективтарын икки ардыларыгар спартакиада тэрийэн ыыталлар.
Ол курдук, алтынньы 23 күнүгэр, тэрилтэлэр коллективтара дартс көрүҥэр күрэхтэспиттэр. Турнирга уопсайа 5-тии киһилээх 4 хамаанда кыттыыны ылбыт. Дротигы кыраҕытык быраҕааччыларынан Намнааҕы алын кылаас оскуола уонна Ис дьыала үлэһиттэрин холбоһуктаах хамаандата ааттаммыт. Кинилэр кэннилэриттэн Намнааҕы ойуур хаһаайыстыбата уонна киин балыыһа үлэһиттэрэ буолбуттар. Онтон үһүс миэстэҕэ Ленскэй нэһилиэк олохтоох дьаһалтата тахсыбыт.
Нам сэлиэнньэтин оскуолаларын үөрэнээччилэрин стритбол оонньууга бастыҥнарын быһаарбыттар. Ол курдук, стритболга 4-түү оонньооччулаах 7 хамаанда күрэхтэспит.
Ортоку сүһүөх кылаас уолаттарын икки ардыларыгар: 1-кы миэстэ – улуустааҕы гимназия 2-с хамаандата; 2-с миэстэ – Намнааҕы 2-с нүөмэрдээх оскуола 1-кы хамаандата; 3-с миэстэ – улуустааҕы гимназия 1-кы хамаандата.
Кыргыттарга 3 хамаанда кииристэ: 1-кы миэстэ – Намнааҕы 2-с нүөмэрдээх оскуола 1-кы хамаандата; 2-с миэстэ – Намнааҕы 1-кы нүөмэрдээх оскуола 1-кы хамаандата; 3-с миэстэ – Намнааҕы 2-с нүөмэрдээх оскуола 2-с хамаандата.
Улахан кылаастарга 5 хамаанда оонньоото: 1-кы миэстэ – улуустааҕы гимназия 2-с хамаандата; 2-с миэстэ – Намнааҕы 2-с нүөмэрдээх оскуола 2-с хамаандата, 3-с миэстэ – 2-с нүөмэрдээх оскуола 1-кы хамаандата.
Инникитин атын көрүҥ күрэхтэһиилэр буолаллара былааҥҥа турар.
Харысхан Попов