Хамаҕатта нэһилиэгин «Тускул» уһуйаан «Чуораанчык» бэлэмнэнии бөлөҕүн төрөппүттэрэ куруук көмөлөһөллөр, тэрээһиннэргэ кытталлар. «Мин ийэбинээн дьарыгым» быыстапка тэрийдилэр.
Оҕолор ийэлэрин кытта уруһуйдууллар, эгэлгэ оҥоһуктары оҥороллор, арааһы коллекциялыыллар, айанныылларын сөбүлүүллэр эбит. Холобура, Назарова Сайаана дьиэ кэргэнинэн араас дойдуларга күүлэйдээбиттэр, куораттар магниттарын мунньубуттар, Новгородова Мария Сергеевна уолунаан Сайаанныын уруһуйдууллар, Любовь Николаевна Аладова кыыһынан мозаиканнан харысхаллары оҥорбуттар, Ушницкая Валентина Александровна кыыһынаан Алиналыын уруһуйдууллар, оҥоһук оҥороллор, магнит мунньаллар, Чиряева Василиса ийэтинээн Аграфена Валерьевналыын «Рисуем по номерам » ньыманан элбэх хартыынаны быыстапкаҕа туруорбуттар, Сысолятина Кристина коллекционер эбит. Иванова Ньургустана Николаевна уолунаан Чаҕыллыын конструктор таҥаллар, Иванова Наталья Александровна уола Павеллыын уруһуйдууллар.
Биһиги ийэлэрбит оҕолорун кытта куруук дьарыктаналлар, оҕолорун кэрэҕэ уһуйаллар, кыра эрдэхтэриттэн саҥаны билэ-көрө улааталларыгар көмөлөһөллөр. Ити курдук иитээччилэр Дина Дмитриевна, Анна Петровна уонна төрөппүттэр күүстэрин холбоон үлэлииллэр.
Маргарита Охлопкова