Модут оскуолатын бүтэрбиттэр волейболга күрэхтэһэллэр

Модут нэһилиэгэр саҥа оскуола киирбитинэн уонна Улуу Кыайыы 80 сыла чэрчитинэн выпускниктар икки ардыларыгар волейболга күрэхтэһии ыытылынна.

Күрэхтэһиигэ уопсайа 5 хамаанда күөн көрсүбүтүн, кыайыы иһин илин-кэлин түһүспүтүн спортинструктор Николай Сандулин иһитиннэрэр.

Түмүккэ, 1-кы миэстэни Дмитрий Пермяков хапытааннаах 2021-24 сс. выпуск хамаандата ылбыт. 2-с миэстэни Гаврил Охлопков хапытааннаах 2011-16 сс. выпуск хамаандата ылбыт уонна 3-с миэстэ Артур Сандулин хапытааннаах 2016-20 сс. выпуск хамаандата буолбут.

Кыайыылаахтар анал грамотанан,мэтээлинэн, харчынан наҕараадаламмыттар. Оскуола оҕолоро, оонньуулара тупсан иһэриттэн киһи көрөн үөрэр. Уопсайа оонньууга 40 ыччат кыттыбыт.

Татьяна Никольская

Читайте дальше