Нам улууһун Хатыҥ Арыы нэһилиэгин Аппааны сэлиэнньэтин олохтоохторо Николай Николаевич уонна Вера Семеновна Петровтар улахан кыыстара Виктория Петрова СӨ «Муус устар» ыччат фестивалыгар «Северный кадр» кылгас киинэ күрэҕэр «Тревога» диэн үлэтинэн иккис бириистээх миэстэҕэ тигистэ уонна 30 тыһ. сертификат тутта. Аны сайын группанан киинэ устуохтара. Вика Дьокуускайдааҕы Арктическай институкка саҥа аһыллыбыт «Фото, видео, кинорежиссура» факультетын 1 куурсун устудьуона.
Вика Е. Шапошников аатынан Хамаҕатта орто оскуолатын кыһыл көмүс мэтээлинэн бүтэрбитэ. Дьиэ кэргэн аҕа баһылыга Николай Николаевич «УНИКОМ» ХЭТ генеральнай дириэктэрэ, нэһилиэк спонсора буолар, ийэлэрэ Вера Семеновна логопед идэлээх Партизан уһуйааныгар үлэлиир. Петровтар дьиэ кэргэттэри улахан ситиһиилэринэн эҕэрдэлиибит уонна инникитин кыайыылар кэлэ туралларыгар баҕарабыт.
Надежда Сивцева