Нам эдэр полицейскайдарын ситиһиитэ

Намнааҕы ИДьУО эдэр үлэһиттэрэ гражданскай-патриотическай  иитиигэ  туһуламмыт бырайыактара  ыччат форумугар  бэлиэтэннэ.

 

Тохсунньу 25 күнүгэр Хатырыкка “Түмсэр күн” улуус ыччатын форума ыытыллыбыта. Манна нэһилиэктэртэн бастыҥ ыччат түмсэн, ураты талаанын, айар уонна хамаандаҕа үлэлиир дьоҕурун, таһымын арылхайдык көрдөрдө.

Форум сүрүн тэрээһининэн,“Импульс” патриотическай дьыалабыай оонньуу буолла. Манна хамаандалар тутатына бырайыак суруйан көмүскээтилэр.

Чаҕылхай түмүктэрдээх оонньууга Намнааҕы ИДьУО 8 чилиэннээх хамаандата дьоһуннук бэлиэтэннэ.

Норуот көҥүлүн, нус-хас олоҕун араҥаччылыыр, көмүскүүр  ураты эппиэтинэстээх үлэлээх  эдэр  полицейскайдар бырайыактара «За оригинальность темы» номинацияны ылла.

Патриотизмы уонна бирисээгэҕэ бэриниилээх буолууну инники күөҥҥэ тутар, олохторун  бу ыарахан идэни кытта сибээстээбит хорсун, күүстээх санаалаах эдэр дьон  үлэтэ мэлдьи холобурга сырыттын.

«Эҥсиэли»  хаһыат

Читайте дальше