Сахабыт Өрөспүүбүлүкэтин историятыгар ураты суолталаах — Саха Өрөспүүбүлүкэтин Судаарыстыбаннаһын күнүн көрсө, улууспут оскуолаларын уонна Намнааҕы техникум, педагогическай колледж көхтөөх ыччата түмсэн, «Бастакылар хамсааһыннара» олохтоох отделениета уонна Варвара Бережнева салалталаах улуустааҕы оҕо библиотеката тэрээһин ыыттылар.
Кыттааччылар Саха Өрөспүүбүлүкэтин судаарыстыбаннай суверенитетын туһунан Декларацияны ылыммытын уонна СӨ бастакы президенэ Михаил Ефимович Николаев тустарынан, улуус историятыттан билиилэрин чиҥэттилэр, маны таһынан “Өрөспүүбүлүкэ” диэн Саха сирин улуустарын гербэлэрин, ааттарын, нэһилиэктэри төһө билэллэрин тургутан оонньуу ыытылынна.
Улуус баһылыгын социальнай боппуруостарга солбуйааччы Юрий Дьяконов ыччаттарга Нам улууһуттан силис тардан тахсыбыт государственнай политическай деятеллэр Максим Кирович Аммосов, Илья Егорович Винокуров, Николай Семенович Охлопков, Егор Михайлович Ларионов тустарынан сиһилии сырдатта, кинилэр үлэлээн туруулаһан хаалларбыт суолларын батыһалларыгар ыҥырда. Улуус дьиэ кэргэн уонна ыччат отделын специалиһа Алина Неустроева ыччакка аналаах тэрээһиннэри , былааннары сырдатта.
Бу курдук ыытыллар тэрээһиннэр суолталара улахан, мантан ыччат дьон төрөөбүт Сахабыт сирин тутулун, историятын туһунан билиилэрин чиҥэтэн, үөрэтэн-билэн, көрөн-истэн тарҕастылар.
«Бастакылар хамсааһыннара» олохтоох отделение