Гаврил Тытыгынаев кэриэһигэр кикбоксаҕа өрөспүүбүлүкэҕэ бастыыр иһин турнирга улуустааҕы “Олимпик” спорт оскуола иитиллээччилэрэ ситиһиилээхтик кытыннылар. Санаттахха, бу иннинэ “Олимпик” оҕолоро кикбоксаҕа Өрөспүүбүлүкэтээҕи фестивалга 18 мэтээл ылан тураллар.
Күрэхтэһии кыайыылаахтара – Попов Арьян (Намнааҕы педагогическай колледж 1 куурсун устудьуона); Габышев Ярослав; (Намнааҕы педагогическай колледж 2 куурсун устудьуона); Халдеев Руслан (Намнааҕы 1-кы нүөмэрдээх оскуола 8 кылааһын үөрэнээччитэ); Захаров Богдан (Намнааҕы 1-кы нүөмэрдээх оскуола 8 кылааһын үөрэнээччитэ); Каратаев Виталий (Намнааҕы 1-кы нүөмэрдээх оскуола 8 кылааһын үөрэнээччитэ);
Күрэхтэһии иккис миэстэлээхтэрэ – Павлов Марк (Намнааҕы 1-кы нүөмэрдээх оскуола 8 кылааһын үөрэнээччитэ); Кутуков Рома (улуустааҕы гимназия 10 кылааһын үөрэнээччитэ); Павлов Данил (улуустааҕы гимназия 11 кылааһын үөрэнээччитэ).
Өрөспүүбүлүкэтээҕи кикбоксаҕа лоу кик диссипилиинэҕэ “Бастыҥ кикбоксер” анал ааты Нам улууһун спортсмена Попов Арьян ылбыт. Турнирга “Олимпик” спорт оскуола тренерэ Румянцев Захар Константинович бастыҥ судьуйа аатын ылбыт.
“Кыайыылаахтары, тренердэри эҕэрдэлиибит. Ону тэҥэ, улуустааҕы “Олимпик” спорт оскуола Үөдэй салалтатыгар махтанар. Ол курдук, күһүҥҥү сынньалаҥ кэмигэр, оҕолорбут үтүө түмүктэри аҕалалларыгар Үөдэйгэ баран сбор ааспыттара элбэҕи билбитин, биэрбитин тренердэр бэлиэтииллэр”, – диир дириэктэр Изабелла Массаева.
Харысхан Попов