Нам кикбоксердара рингэҕэ күүстэрин толору туһаннылар

Саха сиригэр кикбоксиҥҥа бастыыр иһин күрэхтэһиигэ улуустааҕы “Олимпик” спорт оскуола иитиллээччилэрэ күннэрэ таҕыста. 3-с төгүллээх аан дойду чемпиона И.В. Макаров кэриэһигэр ыытыллыбыт күрэхтэһииттэн Нам улууһугар 20 мэтээл кэллэ.

“Иитиллээччилэрбит бары кыһамньыларын ууран туран бэлэмнэммиттэрэ ситиһиилээх, үөрүүлээх буолла. Оҕо кыайарыгар, тулуурдаах буоларыгар тренер өҥөтө улахан. Дмитрий Черноградскайы уонна Захар Румянцевы эҕэрдэлиибит”, – диир “Олимпик” дириэктэрэ Изабелла Массеава.

2011-12 сс. кыргыттарга, уолаттарга: кыһыл көмүстэр – Сивцев Андрей (57 кг); Абрамов Арылхан (54 кг); Сивцева Виолетта (40 кг). Үрүҥ көмүстэр – Насыев Саша (33 кг) уонна Слепцова Арина (40 кг). Боруонсалар – Парников Дьулустан (39 кг) уонна Петров Эрхан (36 кг).

2009-10 сс. уолаттарга: кыһыл көмүстэр – Авксентьев Тимур (63.5 кг) уонна Захаров Богдан (42 кг). Үрүҥ көмүстэр – Халдеев Руслан (57 кг) уонна Протопопов Дамир (48 кг). Боруонсалар – Турантаев Байдам (48 кг) уонна Винокуров Ваня (48 кг).

2007-08 сс. кыргыттарга, уолаттарга: кыһыл көмүстэр – Попов Арьян (57 кг); Охлопкова Влада (56кг); Петрова Күннэй (52 кг). Үрүҥ көмүстэр – Габышев Ярослав (54 кг) уонна Павлов Кирилл (81 кг). Боруонсалар – Павлов Данил (63.5 кг) уонна Васильев Ариан (51 кг).

“Триумф” спорт киинигэр тохсунньу 29 – олунньу 1 күннэрин устата аан дойду чемпиона И.В. Макаров кэриэһигэр буолбут күрэхтэһии бастыҥ кикбоксера – Попов Арьян ааттаммыт.

“Кикбоксаҕа спортсмен эчэйии ылбатын туһуттан рингэҕэ күҥҥэ биирдэ тахсар. Аны кикбокса түһүмэхтэрдээх. Түһүмэхтэр лоу-кик, фулл-контакт, лайт-контакт бары уратылаахтар. Холобура, лоу-кикка күүскүн сэрэнэн, көрөн туһанар буоллаххына, фулл-контакка толору туһанаҕын. Оттон лайт-контакт атына диэн – рингэҕэ буолбакка киирсээччилэр көбүөргэ көрсөллөр. Лайт-контакка спортсмен күн устата көбүөргэ 4-5-тэ тахсыан сөп. Бу түһүмэхтэр бары аччаабыта 3 күн устата ыытыллаллар.

Биһиги билигин фулл-контакт күрэхтэһиититтэн кэллибит. Үс күн устата рингэҕэ кыайыы иһин 143 кикбоксер тахсыбыта”, – диэн билиһиннэрэр тренер Дмитрий Черноградскай.

Абрамов Арылхан быһа кыайыыны ситиспит видеота

Харысхан Попов

Читайте дальше