Бэйдиэ сылдьар ыттары бэрээдэктиир бөлөх 2024 сыл саҕаланыаҕыттан сэтинньи 20 күнүгэр диэри Нам сэлиэнньэтин уулуссаларыттан 113 көҥүл сылдьар ыты, ол иһигэр 5 ыт оҕотун туппут.
Бүгүҥҥү күҥҥэ 15 ыт стерилизацияламмыт, 33 – кастрацияламмыт, 49 – маркировкаламмыт уонна 72 ыт вакцинацияламмыт. 38 ыт урукку сылдьар сиригэр төннөрүллүбүт. Оттон 31 дьиэ кыылын хаһаайыттара ылбыттар, 18 ыт саҥа хаһаайыннаммыт, ол иһигэр 1 ыт оҕото. Бүгүҥҥү күҥҥэ приюкка 25 ыт, ол иһигэр 4 ыт оҕото баарын Василий Крымков этэр. Ону тэҥэ, биир ыт приюттан күрээбит.
Намнааҕы бэйдиэ сылдьар ыттары тутар приют салайааччыта Василий Крымков иһитиннэрэринэн, сэлиэнньэ уулуссаларыгар хаһаайыннаах ыттар тахсаллара аҕыйаабат.
Харысхан Попов