Ленскэй нэһилиэк ветераннара, түөлбэ салайааччылара көҕүлээһиннэринэн “Блиндаж чүмэчитэ” акцияҕа кыттыспыттара. Нам сэлиэнньэтин олохтоохторо барыта 87 блиндаж чүмэчитин оҥорбуттар.
Нам сэлиэнньэтин аҕам саастаахтара биир санааҕа кэлэннэр чүмэчи атыылаһан, блиндаж чүмэчитэ хайдах быһыылаахтык оҥоһулларын алын кылаас үөрэнээччилэригэр көрдөрбүттэрин уонна кэпсээбиттэрин Ленскэй нэһилиэк ветераннарын сэбиэтин председателэ Попова Вера Васильевна этэр. Онуоха, чүмэчи оҥорооччуларга муус оҥоһуутугар Сочига Олимпийскай оонньуулар кыайыылааҕа Александр Шадрин эбии 7 киилэ кэриҥэ үрүҥ парафин аҕалбыт.
“Байыаннай дьайыыга кыттыыны ылар биир дойдулаахтарбытыгар сылааһы биэрэр “Блиндаж чүмэчилэри” улуус ветераннарын сэбиэтин председателигэр Кобякова Софья Дмитриевнаҕа туттарбыппыт”, – диир Вера Васильевна.
Харысхан Попов