Ааһан эрэр сайын бэлиэ тэрээһиннэрэ бу нэдиэлэ түмүгэр буолуохтара. Ол курдук:
25.08 — «Nam Party» дискотека-концерт (КСК) 22:00 ч., киириитэ: 700 солк.;
26.08 — Бизнес инкубаторга 11:00-15:00 чч. диэри «Гаражная распродажа» итиэннэ саҥа резиденнэри кытары билсии.
Атырдьах ыйын 27 күнүгэр «НамFEST-2023» диэн улуустааҕы аһаҕас халлааҥҥа фестиваль буолуоҕа.
М.К. Аммосов аатынан Набережнайга араас интэриэһинэй ис хоһоонноох тэрээһиннэр ыытыллыахтара.
10:00 ч. – мини-футбол (1 №-дээх орто оскуола футболлуур хонуута);
14:00 ч. – пеннай вечеринка, школьнай базар, маастар-кылаастар;
16:00 ч. – массыына параада, флешмоб;
18:00 ч. – эҕэрдэ концерт, уоттаах-күөстээх дискотека.
Фестиваль чөл олоҕу тарҕатар, ураты хайысхалаах саха культуратын аныгы уопсастыбаҕа сайыннарар сыаллаах ыытыллар.
Тэрээһиҥҥэ Нам улууһун общественнай тэрилтэлэрэ, хамсааһыннара уонна «Махсыым уолаттара» вокальнай ансамбль кыттыыны ылыахтара.
Улуус бары олохтоохторун фестивальга көхтөөх кыттыыны ыларгытыгар ыҥыраллар. Эһиэхэ анаан атыы-эргиэн эрээттэрэ, ас-үөл лааппылара, араас маастар-кылаастар ыытыллыахтара.
Фестиваль ыҥырыылаах ыалдьыттарынан саха эстрадатын чаҕылхай сулустара: Аскалон Павлов, Умсуура, Лэгэнтэй, Эрхаан буолуохтара.