Нам улууһугар биэс нэһилиэк баһылыгын талыаҕа

Нам улууһугар бүгүн 6 муниципальнай тэриллиигэ быыбар ыытыллар: «Нам улууһа» муниципальнай тэриллии депутаттарын сэбиэтигэр Үөдэйдээҕи 1 N-дээх 1 мандаттаах быыбардыыр уокурукка депутаты уонна 5 нэһилиэккэ: 1 Хомустаахха, Таастаахха, Искраҕа, Хатыҥ Арыыга, Хатырыкка баһылыктары талыы.

Ол курдук, улуус депутатыгар 3 кандидат, нэһилиэктэр баһы- лыктарыгар уопсайа 13 кандидат баар. Быыбардары ыытар учаастактар комиссиялара бэс ыйын 14-16 кк. үлэлэрин саҕалаабыттара. Атырдьах ыйын 26 күнүн туругунан, быыбардааччыларын испииһэктэрин, араас быыбар материалларын (бюллетеннэрин, информационнай лиистэрин, канцелярскай табаардарын) ылбыттара.

***

Балаҕан ыйын 8 күнүгэр Хатыҥ Арыы нэһилиэгин үс быыбардыыр учаастагар нэһилиэк баһылыгын дуоһунаһыгар быыбар саҕаланна. 

Аппаанытааҕы 342 нүөмэрдээх учаастакка «Бастакы быыбардааччы»- Алексей Евсеев, Граф Биэрэгэр — Павел Николаев, Кыһыл Дэриэбинэҕэ  Валентин Аммосов буоллулар.

Үс быыбардыыр учаастакка сарсыарда 8 чаастан күнүс 2 чааска диэри общественнай наблюдателлэр Варвара Носкова, Оксана Бережнева, Раиса Уваровская олоруохтара, быыбар хаамыытын көрүөхтэрэ- истиэхтэрэ.

Надежда Сивцева

 

Читайте дальше