Нам улууһугар СӨ Правительствотын отчуота олунньу 24 күнүттэн саҕаланыа

Саха өрөспүүбүлүкэтин Правительствота 2024 с. ыыппыт үлэтин отчуота олунньу 3 күнүттэн саҕаланна. Судаарыстыбаннай былаас толоруулаах уорганнарын бас-көс, үрдүк дуоһунастаах үлэһиттэрэ оробуочай бөлөхтөрү салайыахтара.

Бигэргэммит анал кыраапыгынан улуустарынан кэрийэ сылдьан, нэһилиэнньэни сирэй көрсөн, иһитиннэрии оҥоруохтара. Ол курдук, нэдиэлэ саҕаланыыта, олунньу 3-4 күннэригэр, биир бастакынан СӨ Правительствотын бэрэссэдээтэлин солбуйааччы Ольга Балабкина бөлөҕө Горнай улууһун нэһилиэнньэтигэр отчуоттаата.

Бу нэдиэлэҕэ Өймөкөөн, Хаҥалас, Амма улуустарын олохтоохторо өрөспүүбүлүкэбит социальнай-экономическай сайдыытыгар туһуламмыт үлэни истиэхтэрэ, долгутар ыйытыыларыгар хоруйдары ылыахтара.

Оттон Нам улууһугар СӨ Правительствотын отчуота олунньу 24-28 күннэригэр ыытыллара күүтүллэр. Бөлөҕү Уһук Илин федеральнай уокурукка СӨ бастайааннай бэрэстэбиитэлэ Ким Борисов, былырыыҥҥы курдук салайыа. Отчуот иннинэ дуоһунастаах дьон биирдиилээн дьону көрсөллөрө эмиэ тэриллэр. Оттон өпөспүүбүлүкэбитигэр Правительство отчуота кулун тутарга түмүктэнэрин туһунан СӨ Ил Дарханын, Правительствотын пресс-сулууспата иһитиннэрэр. Интэриэһиргээбит дьон отчуот кыраапыгын бу сигэнэн киирэн билсиэххитин сөп: https://www.sakha.gov.ru/news/front/view/id/3480409

Касьян Олесов-Олук.

Читайте дальше