Бастатан туран, Юрий Иннокентьевич сааскы халаан уутун содулуттан чөлүгэр түһэрии үлэлэрин туһунан иһитиннэрбит. Нэһилиэнньэҕэ биир кэмнээх материальнай уонна үбүнэн-харчынан көмө олоччу көрүллүбүтүн эппит. Билиҥҥитэ улууска социальнай уонна инфраструктурнай эбийиэктэри чөлүгэр түһэрии үлэлэрэ ыытыллаллар. Маныаха наадалаах ирдэниллэр докумуоннар бэлэмнэнэн, үбүлээһин боппуруоһугар федеральнай ведомстволары кытары үлэ ыытыллар.
Маны тэҥэ, от соҕотуопкатын хаамыытын кэпсэппиттэр. Юрий Иннокентьевич бэлиэтээбитинэн, быйыл от үүнүүтэ куһаҕана суох, онон окко былаан туолуоҕа диэбит. Итиэннэ көрсүһүүгэ «Үөрэҕирии» национальнай бырайыагынан улуус киинигэр тутулла турар 450 миэстэлээх оскуола тутуутун боппуруостарын тула кэпсэппиттэр. Бу туһунан СӨ Ил Дархана бэйэтин телеграм ханаалыгар иһитиннэрдэ.
«Эҥсиэли» хаһыат