Нам улууһун киинигэр Ленскэй нэһилиэккэ РФ Президенэ Владимир Путин олохтообут «Жилье и городская среда» национальнай бырайыагынан «Хаарбах дьиэттэн дьону көһөрүү программанан» Нам олохтоохторо саҥа дьиэҕэ киирдилэр.
Октябрьскай уулусса 20 №-дээх дьиэтигэр 4 этээстээх 39 квартиралаах таас дьиэни “Намгазстрой” ХЭТ тутта. Вадим Кутуков тэрилтэ генеральнай директора:
Бүгүн от ыйын 3 күнүгэр Намҥа “Намгазстрой” ХЭТ 39 квартиралаах дьиэ тутан бүтэрэн киллэрдибит. Бу иккис кварталга бастакы дьиэбит буолар, дьиэ бырайыага эрдэ тутан киллэрбит дьиэлэрбититтэн чыҥха атын буолла диэн этиэххэ наада.
Урукку тутуубут итэҕэстэрин көрөн учуоттаан, ырытаммыт тута көрөммүт, бу бырайыакка саҥаны элбэҕи киллэрдибит. Дьиэ көрүдүөрдэрэ тус-туһунан оҥоһулунна, подъезтара туспа ааннаахтар, ол эбэтэр блочнай буолла. Таһыттан киирээти кытта уҥа, хаҥас өттүлэригэр ааннары туруортаатыбыт, онно 5-6 квартира буолан туһунан хаһаайыстыба курдук буолла. Дьиэ кыһыннары сылаас буолуо диэн мэктиэлиибин. Тас көстүүтүн уларыттыбыт аныгылыы минплитанан фасад оҥордубут.
Көрөргүт курдук полировка эмиэ дьүһүнүн киэргэтэн биэрдибит. Тас өттүгэр оҕо оонньуур былаһаакката маһынан оҥоһулунна, көҕөрдүүгэ диэн анаан миэстэлээн биэрдибит, тротуар баар. Үөрэрим диэн киэҥ-нэлэмэн массыына парковкатын оҥордубут. Онон улууспутугар өссө биир таас дьиэ дьэндэйдэ, саҥа кыбартыыраларга киирбиттэри эҕэрдэлиибин.
Лена Корякина