Улууспут оҕолоро сахалыы остуол оонньуутугар күрэхтэстилэр. Ол курдук, детсад иитиллээччилэрин ортотугар алтынньы 25 күнүгэр хабылыкка, тырыыҥкаҕа улуустааҕы күрэхтэһии буолбутун туһунан үөрэх управлениета иһитиннэрэр.
Оскуола иннинээҕи саастаах оҕолор ортолоругар комплекснай спартакиада чэрчитинэн, остуол оонньуута быйыл төрдүс төгүлүн ыытыллыбыт. Тэрийээччилэринэн Нам улууһугар остуол оонньуутун федерацията буолбут (председатель М.Е. Охлопкова).
Быйылгы күрэхтэһии онлайн көрүҥүнэн ыытыллыбыт. Оҕолор оонньуур хаачыстыбалара тупсубутун остуол оонньуутун улуустааҕы федерациятын чилиэттэриттэн турар дьүүллүүр сүбэ бэлиэтээбит.
Барыта 39 оҕо 21 детсадтан кыттыбыт.
Хабылыкка – 18, тырыыҥкаҕа – 21.
Күрэхтэһии түмүгүнэн хабылыкка:
1 миэстэ – Колпашникова София, «Сулусчаан» д/с., Нам
2 миэстэ – Нестерова Айнаара, «Сандаара» д/с., Аппааны.
3 миэстэ – Морфунова Дайаана, «Кэнчээри» д/с., Модут.
Тырыыҥка:
1 миэстэ – Пестрякова Эмилия, «Кыталык» д/с., Нам
2 миэстэ – Садовникова Кэрэли, «Кустук» д/с., Партизан.
3 миэстэ – Сельтюкова Алияна, «Кэнчээри» д/с., Нам.
Кыайыылаахтар грамотанан, мэтээлинэн наҕараадаланыахтара.
Оҕону төһөнөн эрдэ өй, остуол оонньуутугар угуйаҕын да, кини соччонон сытыы, имигэс өйдөөх, билбитин сатаан олоххо туһанар, инникитин өтө көрөр кыахтаах, үрдүк интеллектээх киһи буола улаатар диэн педагогтар бэлиэтииллэр.
Л. Ноговицына
Хаартыска @uobrnam