Бу дьыл балаҕан ыйын 1 күнүттэн «Якутскэкосети» ХЭТ 1 Хомустаах, Партизан, Хатырык нэһилиэктэрин кытары үлэлиэҕэ.
Ол курдук, атырдьах ыйын 29 күнүгэр тэрилтэ генеральнай директорын 1 солбуйааччыта В.А. Григорьева, Нам улууһугар тэрилтэ бэрэстэбиитэлэ Ф.Ф. Абрамов, «Эйгэ» ХЭТ генеральнай директора С.И. Бережнев 1 Хомустаах, Партизан нэһилиэктэрин баһылыктарын, олохтоохторун кытта муниципальнай тэриллиилэр сирдэригэр-уоттарыгар кытаанах коммунальнай бөх-сыыс хомуллуутун тула кэпсэтээри көрүстүлэр.
Бу ыйыллыбыт нэһилиэктэргэ кытаанах коммунальнай бөҕү-сыыһы, ол эбэтэр бөҕү-сыыһы, «Эйгэ» ХЭТ хомуйар, таһар буолуоҕа. Көрсүһүүгэ региональнай оператор бэрэстэбиитэллэрэ олохтоохтор ыйытыыларыгар хоруйдаатылар, үлэ ис хоһоонун быһааран, кэпсээн биэрдилэр.
Лена Ноговицына