Дьокуускай куоракка 2010-11 сыллаах уолаттарга уонна кыргыттарга баскетболга өрөспүүбүлүкэҕэ бастыыр иһин күрэхтэһии буолла.
Алтынньы 11-14 күннэригэр ыытыллыбыт баскетбол оонньуутугар Нам улууһуттан хамаандалар улуустааҕы гимназияттан уонна Намнааҕы 2-с нүөмэрдээх оскуолаттан турдулар.
“Өрөспүүбүлүкэҕэ бастыыр иһин күрэхтэһиигэ Александр Колосов салайааччылаах кыргыттар хамаандалара бочуоттаах 2-с миэстэ буолла. Оттон Николай Тимофеев үөрэтэр уолаттара кыһыылаахтык 4-с миэстэ буоллулар.
Баскетбол оонньуутугар бэйэтин көрдөрбүт Намнааҕы 2-с нүөмэрдээх оскуола үөрэнээччитэ Перетолчина София “Лучший игрок Первенства” анал аатынан наҕараадаланна”, – диир Намнааҕы оҕо спордун киинин дириэктэрэ Юрий Балаганскай.
Нам улууһун баскетболист оҕолорун уонна физическай култуура учууталлара Александр Колосовы, Николай Тимофеевы эҕэрдэлиибит.
Харысхан Попов