Нам улууһун оҕолоро остуол оонньуутугар 5 миэстэ буоллулар

Дьокуускайга “Модун” спорт төрүт көрүҥнэригэр кииҥҥэ олунньу 5-6 күннэригэр оҕолорго остуол оонньуутугар хамаанданан Саха сиригэр бастыыр иһин күрэхтэһии буолбутун улуустааҕы “Олимпик” спорт оскуола дириэктэрэ Юрий Балаганскай иһитиннэрэр.

“Нам улууһун Анастасия Винокурова салайааччылаах “Сайдыы” оҕо айымньытын дьиэтин иитиллээччилэрэ көмүскээтилэр”, – диир Юрий Сергеевич.

Буолбут күрэхтэһии “Спортивные якутяне” спартакиада суотугар киирэрин бэлиэтиибит. Ол курдук, Мамаев Владик, Сивцев Валера, Жиркова Тома, Белолюбская Лилия, Сивцев Валера оонньуулара тахсан 18 кыттыбыт хамаандаттан 5 миэстэни ылары ситиспиттэр.

Харысхан Попов