Бурятия Улан Удэ куоратыгар сэтинньи 2-10 күннэригэр буулдьанан ытыыга Уһук Илиҥҥэ бастыыр иһин күрэхтэһиигэ Нам улууһун оҕолоро Саха сирин сүүмэрдэммит хамаандатыгар киирэн ситиһиилээхтик кыттыбыттар.
Ол курдук, Нам улууһуттан пневматическай бэстилиэтинэн ытыыга Винокуров Ваня, винтовканан ытыыга Попова Айыллаана уонна Винокурова Милена күрэхтэспиттэрин Намнааҕы оҕо спордун киинин дириэктэрэ Юрий Балаганскай этэр.
“Уһук Илин бастыыр күрэхтэһиигэ оҕолорбут куһаҕана суох көрдөрүүнү ситистилэр. Хамаанданан күрэхтэһиигэ Винокуров Ваня кыһыл көмүс кэлэрин ситиһэн Саха сирин хамаандата Уһук Илин бастыҥ хамаанданан ааттанна.
Бэлиэтээн эттэххэ, бу күрэхтэһиигэ Попова Айыллаана Россия спордун маастарыгар кандидат нуорматын толордо.
Буулдьанан ытааччылары уонна бастакы тренердэрин Күннэй Эверстованы эҕэрдэлиибит”, – диир Юрий Сергеевич.
Харысхан Попов