Хатырыкка кулун тутар 22-23 күннэригэр волейболга “Кубок Аммосова” улуустааҕы күрэхтэһии буолуоҕа.
II-с лигаҕа киирэр хамаандалар икки күн устата күүстээҕи быһаарыахтара. Кыайыылаахтар кэлэр нэдиэлэҕэ “Кубок Аммосова” өрөспүүбүлүкэтээҕи волейбол күрэхтэһиитигэр Дьокуускайга барыахтара.
Кэлэр нэдиэлэҕэ Дьокуускайга өрөспүүбүлүкэтээҕи I лига оонньооччулара күрэхтэһиэхтээхтэрин Хатырык спортинструктора Михаил Романов этэр. Өрөспүүбүлүкэтээҕи “Кубок Аммосова” волейбол күрэхтэһиитигэр биир дойдулаахпыт, государственнай уонна политическай деятель Максим Аммосов соратниктарын дойдуларыттан кэлиэхтэрэ: Таатта, Бүлүү, Үөһээ Бүлүү, Ньурба. Ону тэҥэ, Чаҕылхай Махсыым төрөөбүт дойдутуттан Хатырык оонньооччулара быһаччы кыттыыны ылыахтара.
Харысхан Попов