Саҥа 2023-2024 үөрэх дьылыгар улуус кэккэ оскуолаларыгар үөрэх хаачыстыбата үрдүүрүн ситиһиэхтэрэ.
Нам улууһун үөрэҕин управлениетын начальнигын солбуйааччы Светлана Поротова үөрэх хаачыстыбата тупсарыгар туох-ханнык үлэ бара турарын билиһиннэрдэ.
Кэлэр үөрэх сылыгар биһиги улууспутугар үс оскуолаҕа: Е.М. Ларионов аатынан Салбаҥ орто оскуолатыгар, М.В. Петрова аатынан Таастаах оскуолатыгар уонна М.Е. Охлопкова аатынан Түбэ оскуолатыгар «Үөрэхтээһин» национальнай бырайыагынан «Точка роста» естественнэй-научнай уонна технологическай хайысхалаах кылаастар аһыллыахтара.
Бу бырайыагынан кытыы, ыраах сытар тыа оскуолаларга үөрэх хаачыстыбата үрдүүрун ситиһэр сыалтан химия, биология, физика уруоктарыгар уопут оҥорор оборудованиеларынан уонна лабораториеларынан хааччыллыахтара.
«Цифровая образовательная среда» федеральнай бырайыак үөрэнээччи, учуутал, оскуола администрацията биир кэлим информационнай ситим буоларын быһыытынан, үөрэхтээһин иннигэр турар аныгы кэм бириэмэтигэр эппиэттир элбэх соруктары баһаарар кыахтаах.
Бу иннинэ улуус 9 оскуолатыгар «ЦОС» (цифровая образовательная среда) аһыллан үлэлээтэ. Онтон быйыл үс оскуолаҕа аһыллыаҕа: Е.П. Сивцев аатынан 2-с Хомустаах, Е.С. Сивцев-Таллан Бүрэ аатынан Бөтүҥ уонна Партизан орто оскуолаларыгар. Бу оскуолалар ноутбуктарынан номнуо хааччылыннылар.
Бырайыак түмүгүнэн улуус оскуолалара салгыы аныгылыы компьютернай уонна интерактивнай тэриллэринэн хааччыллыахтара.
Лена Ноговицына