Тохсунньу 9-11 күннэригэр Дьокуускай куоракка эдэр чинчийээччилэр академик В.П. Ларионов аатынан «Инникигэ хардыы – Professor V. P. Larionov «A Step into the Future» Science Fair» научнай конференция-куонкуруһугар Нам улууһун үөрэнээччилэрэ ситиһиилээхтик кытыннылар. Кинилэр кимнээхтэрий?
Нам улуустааҕы үөрэх управлениетын иитии уонна эбии үөрэхтээһин отделын бас исписэлииһэ Оксана Васильева иһитиннэрбитинэн, үөрэнээччилэр чинчийэр уонна бырайыактыыр үлэлэрин өрөспүүбүлүкэтээҕи улахан суолталаах былаһааккатыгар улууспут оскуолаларыттан 64 үөрэнээччи бэйэлэрин үлэлэрин билиһиннэрбиттэр. Кинилэртэн I этабы 34 оҕо ааспытыттан үгүстэрэ ситиһиилэммиттэр.
Ол курдук, Н.С. Охлопков аатынан Нам улуустааҕы гимназиятын 11 кыл. үөрэнээччитэ Владислав Новгородов бырайыагын ситиһиилээхтик көмүскээн, лауреат үрдүк аатын ылар чиэстэммит, мэтээлинэн, дипломунан, СӨ «Барҕарыы» национальнай фондата олохтообут академик, техническэй наука доктора Владимир Петрович Ларионов бириэмийэтинэн уонна стипендиятынан наҕараадаламмыт.
Эдэр чинчийээччилэр 1 ист. дипломаннарынан ааттаммыттар:
—Данилов Ренат (Үөдэй ОО, 10 кыл.), Москвитина Сайаана (НУГ, 7 кыл.), Федоров Анатолий (Нам 2 №-дээх ОО, 11 кыл.), Парникова Лилианна (Хатыҥ Арыы ОО, 6 кыл.), Горохова Виолетта (ХСФЛ, 9 кыл.), Неустроева Юлиана (Хатыҥ Арыы ОО, 10 кыл.), Яковлева Зарина (Бөтүҥ ОО, 8 кыл.), Зырянов Сарыал (Үөдэй ОО, 11 кыл.), Ветрова Ванесса (НУГ, 8 кыл.).
Эдэр чинчийээччилэр 2 ист. дипломаннарынан ааттаммыттар:
—Широких Айгылаана (ХСФЛ, 7 кыл.), Парников Талбан (Хатыҥ Арыы ОО, 6 ыкл.), Семенова Жанна (Хатыҥ Арыы ОО, 10 кыл.), Зырянов Арылхан (ХСФЛ, 11 кыл.), Дьячковскай Сергей (ХСФЛ, 10 кыл.), Константинов Эдан (НУГ, 7 кыл.), Федоров Ярослав (Салбаҥ ОО, 9 кыл.).
Эдэр чинчийээччилэр 3 ист. дипломаннарынан ааттаммыттар:
—Рожин Ньургустаан (1 Хомустаах ОО, 8 кыл.), Павлов Тыгын (Нам 2 №-дээх ОО, 5 кыл.), Одинцова Диана (Хамаҕатта ОО, 11 кыл.), Петров Дамир (Нам 1 №-дээх ОО, 6 кыл.), Мамаев Уйгун (1 Хомустаах ОО, 6 кыл.), Слепцов Эльдар (НУГ, 7 кыл.), Николаева Карина (Нам 2 №-дээх ОО, 11 кыл.), Федоров Валентин (ХСФЛ, 7 кыл.).
Үөрэнээччилэр бары дипломнарынан наҕараадаламмыттар. Ону таһынан Нам 2 №-дээх орто оскуолатын 11 кыл. үөрэнээччитэ Федоров Анатолий СӨ «Барҕарыы» национальнай фондата олохтообут биологическай наука доктора Дмитрий Дмитриевич Саввинов бириэмийэтин тутар чиэскэ тиксибит. Улууспут ситиһиилээх эдэр чинчийээччилэриттэн 14 оҕо Бүтүн Россиятааҕы конференцияларга, куонкурустарга кыттарга мэктиэлэммит.
Касьян Олесов-Олук
Хаартыскалары О.Е. Васильева, А.В. Новгородов тиксэрдилэр