Намҥа Аан дойдутааҕы Оҕо көмүскэлин күнүгэр Бүтүн Россиятааҕы “Движение первых” Намнааҕы салаатын көҕүлээһининэн, оҕолорго “Кавер-шоу” тэрээһин буолла.
“Кавер-шоу” конкурс оҕолортон уонна улахан дьонтон олус үчүгэй сыанабыл ылбыт. Тэрээһиҥҥэ барыта 15 оҕо уонна улахан киһи кыттыыны ылбыт. Бэлиэтээн эттэххэ, сорох-сорохтор маннык конкурска аан маҥнайгыларын кытталлара этиллэр.
“Ырыа конкурса сибиэһэй салгыҥҥа олус үчүгэйдик ааста. Олус элбэх көрөөччү, ыалдьааччылар бааллара.
Конкурс спонсордарынан улуустааҕы дьиэ кэргэн уонна ыччат отдела, улуустааҕы үөрэх управлениета уонна Түбэ оскуолатын муусука учуутала Харитонова Сардана Дмитриевна буолаллар”, – диир “Движение первых” хамсааһын специалиһа Сахаяна Васильева.
Кыттааччылар бары сертификатынан наҕараадаланнылар. Кыайылаахтарынан буоллулар:
Дьяконов Артём – 1 миэстэ;
Сивцева Дайаана – 2 миэстэ;
Колесова Настя – 3 миэстэ;
Мишина Альфетта – анал бириис.
Конкурс киһи талаанын уонна айар үлэтин арыйар бырааһынньыга буолар. Бары кыттааччылары уонна кыайыылаахтары эҕэрдэлиибит.
