Ленскэй нэһилиэк тэрилтэлэр икки ардыларыгар “Лучший партнер” номинациятын Намнааҕы РЭС иллээх, үлэһит коллектива ылла.
Наҕарааданы сэлиэнньэ сыл түмүгүн таһаарар үөрүүлээх тэрээһинигэр РЭС начальнига Анатолий Васильевка туттарыллыбыта.
“Бу ситиһии бүтүн коллектив үтүөтэ. Ааспыт сылга сааскы халаан уутунан сибээстээн үгүс ыарахаттары көрсүбүппүт. Электросетевой хаһаайыстыбабыт эбийиэктэрэ эмсэҕэлээбитэ. Төһө да ыарахаттары көрүстэрбит, 9 подстанцияҕа былааннаммыт өрөмүөннүүр үлэлэри ыыппыппыт. Бары күүрүүлээх уоту биэрэр линияларга ЛЭП трассатын ыраастаатыбыт. Энергообъектарбытыгар техническэй көрүүнү-истиини толору ыыттыбыт.
Маны тэҥэ, халаантан эмсэҕэлээбиттэргэ биллэриллибит аһымал акцияларга көхтөөхтүк кытынныбыт”, — диэн Намнааҕы РЭС начальнига Анатолий Васильев бэлиэтээтэ.
Бу туһунан «Якутскэнерго» ПАО өрөспүүбүлүкэтээҕи телеграм ханаала иһитиннэрдэ.