“Нэлэгэр” түөлбэ олохтоохторо Т.К. Ядрихинская аатынан Намнааҕы социальнай-геронтологическай киин ыыппыт “Көмүс күһүн” тэрийиилэригэр кыттыыны ылбыттар, олохтоохторго оҕуруот аһа кэһиилээх тиийэннэр күндүлээбиттэр.
Тэрээһиҥҥэ Байанаева Прасковья Дмитриевна бэйэтин суруйбут хомоҕой хоһооннорун аахпыт, Сидорова Анна Елисеевна нарын ырыатын бэлэх ууммут.
Аҕам саастаахтар күннэрин чэрчитинэн, киин олохтоохторугар парикмахердар тиийэннэр аҕам саастаахтар баттахтарын көннөрбүттэр.
Парикмахер Матрена Бугаева сылаас илиитинэн баттах кырыйан, сааһылаан, кырдьаҕастар чэпчээн, кэҥээн, махтал тыллары анаабыттарын “Нэлэгэр” түөлбэ салайааччыта Ольга Прядезникова этэр. Ол курдук, Түөлбэ олохтооҕо парикмахер Матрена Васильевна, үлэһит Нератова Милена Петровна көмөлөһөн баҕалаахтары бука барыларын бүрүчүөскэлэрин көннөрбүттэр, кырааскалаабыттар.
Махтал мааныта, Айыы күүһэ арчылыы, сылаас эйгэҕит тэнийэ турдун!
