Никольскайдар улуус дьаһалтатын үлэтин 100% өйүүллэрин биллэрдилэр

Нам улууһун дьаһалтатын 2024 сыллааҕы үлэтин бүгүн Никольскай нэһилиэгэр улуус баһылыгын тыа хаһаайыстыбатыгар солбуйааччы Филипп Николаев салайар 3-с бөлөҕө отчуоттаата.

Мунньахха барыта 32 киһи сырытта. Очтуоттуур бөлөххө олохтоохтортон 7 ыйытыы киирдэ. Хамаҕатта оскуолатыгар Никольскайтан сылдьан үөрэнэр оҕолору төттөрү автобуһунан аҕалыы; Таастаахха профилакторий тутуллуон сөп дуо?; элбэх оҕолоох дьиэ кэргэттэр учаастактарыгар уот, газ киириитин туһунан; ФАП тутуутун; Никольскайдааҕы алын кылаас оскуолатыгар капитальнай өрөмүөн ыытыллыытын; мелиорация үлэтин сөргүтүү; Нам сэлиэнньэтигэр энергетиктэргэ сквер тутуутун; хаарбах дьиэлээхтэргэ дьиэ тутуута ханна тиийбитин туоһуластылар. Тус бэйэ хаһаайыстыбата сайдарын өйүөххэ наадатыгар этиилэри киллэрдилэр.

Улуус олохтоох дьаһалтатын үлэтин 100% өйүүллэрин биллэрдилэр.

Василиса Ларионова, Никольскай

Читайте дальше