VIII «Азия оҕолоро» норуоттар икки ардыларынааҕы спортивнай оонньуулар
саҕаланнылар.
Онон сибээстээн биһиги улууспутуттан, нэһилиэкпититтэн күрэхтэһиилэргэ, тэрээһиннэргэ оонньуу араас сылларыгар кыттыыны ылбыт оҕолору кэпсиибит.
Хамаҕатта орто оскуолатын үөрэнээччитэ Ньургуйаана Тимофеева көҥүл тустууга спорт маастарыгар кандидат, 2012 с. V оонньууларга кыттыбыта.
Ол туһунан Ньургуйаана маннык ахтар:
-Мин оскуолаҕа үөрэнэр эрдэхпиттэн спордунан сөбүлээн дьарыктанабын. 2010 с. боксаҕа республикаҕа бастыыр иһин күрэхтэһиигэ 2-с миэстэни ылбытым. 2011-2012 сс. оҕолор республикатааҕы спартакиадаларыгар көҥүл тустууга чемпионнаан, призердаан V-с «Азия оҕолоро» спортивнай оонньууга кыттар чиэскэ тиксибитим, олоҕум биир умнуллубат түгэнинэн буолбута.
Спорт эн олоххор хайдах сабыдыаллыыр диэҥнэ:
республикабыт саамай улахан түһүлгэтигэр Чурапчыга ыытыллыбыт Манчаары спартакиадатыгар тааһы быраҕыыга кыттыбытым.
Кэлин гиирэ спордунан, мас тардыһыыннан дьарыктаммытым.
Спорт оҕону бэрээдэктиир, тулуурдаах буоларга көмөлөһөр.
Маргарита Охлопкова
