Дойду үрдүнэн от ыйын 8 күнүттэн Дьиэ кэргэн интэриэһин көмүскүүр боппуруостарга быраап көмөтүн нэдиэлэтэ буоларынан биллэр. Намнааҕы Н.М. Рыкунов аатынан библиотекаҕа Ленскэй нэһилиэк олохтоох дьаһалтата уонна Намнааҕы дьарыктаах буолуу киин көҕүлээһиннэринэн от ыйын 11 күнүгэр сокуоннай саастарын ситэ илик оҕолорго быраап олимпиадата буолла.
Тэрээһиҥҥэ экспертэринэн Нам улууһугар оҕо быраабын көмүскүүр боломуочунай, Нам улууһа МТ опека уонна попечительство отделын специалиһэ Кутукова Анна Петровна, Нам улууһун дьарыктаах буолуу киинин сүрүн специалиһэ Филиппова Антонина Ивановна уонна психологическай киин Намнааҕы филиалын психолога Егорова Арина Степановна, Ленскэй нэһилиэк олохтоох дьаһалтатын үлэһитэ Слепцова Анна Ильинична кыттыыны ыллылар. Кинилэр оҕо быраабын, эбээһинэһин туһунан чиҥэтэн бэлиэтээбиттэр.
Ол курдук, оҕолор тэрээһиҥҥэ икки хамаандаҕа арахсан быраап ыйытыыларыгар хоруйдаатылар. Онтон экспертэр эппиэттэрин ситэрэн, кэҥэтэн, быһааран биэрдилэр. Тэрээһини саастарын ситэ илик оҕолор бырааптарын көмүскүүр уонна кинилэр дьыалаларыгар уопсастыбаннай сэбиэт эппиэттээх сэкирэтээрэ иилээн-саҕалаан ыытта. Оҕолор тэрээһинтэн саҥаны билбиттэрин бэлиэтээн эттилэр.
Ленскэй нэһилиэк олохтоох дьаһалтата