Нам улууһун Хатырык орто оскуолатыгар үөрэнээччилэр улуустааҕы «Барҕарыы» кэмпириэнсийэлэрэ үрдүк таһымҥа ааста. Модут орто оскуолатыттан Осипова Самира 9-с кылаас үөрэнээччитэ, салайааччы СӨ үөрэҕириитин туйгуна А.Н. Осипова, 6-с кылаас үөрэнээччитэ Захаров Харысхан, салайааччы РФ үөрэҕириитин туйгуна А.Н. Кутукова кыттыны ылан кэллилэр.
Үөрэнээччилэр үрдүк таһымҥа кыттаннар, оскуолаларыгар бэйэлэрин кылааттарын киллэрдилэр.
Бу иннинэ, тохсунньу 9-11 күннэригэр,
академик В.П. Ларионов аатынан «Инникигэ хардыы» 29-с республикатааҕы эдэр чинчийээччилэр научнай конференцияларыгар, Захаров Харысхан (салайааччы Кутукова А.Н.) Дьокуускай куоракка баран кыттан кэлбиттэрэ.
Саҥа оскуолабыт аһыллыытыгар СӨ Ил Дархана илии тутуһан Харысхан ситиһиитин, инникигэ кэскиллээх көрүүлэрин чиҥэттэ дии саныыбыт.
Үөрэнээччилэрбит бары өттүнэн дэгиттэр, талааннаах, чинчийэр үлэлэри дириҥэтэн, анаарар дьоҕурдарын, сахалыы саҥарар-толкуйдуур сатабылларын салгыы сайыннаран үөрэтиэхпит диэн бигэ эрэллээхпит.
Т. В. Петрова, СӨ үөрэҕириитин туйгуна