Партизан нэһилиэгэр тохсунньу 2 күнүгэр үгэскэ кубулуйбут «Баһылык харыйата» тэрээһин буолла.
Тэрилтэ үлэһиттэрэ, депутаттар СВО кыттыылаахтарын оҕолоругар, элбэх оҕолоох дьиэ кэргэттэргэ 58 бэлэх оҥордулар — 10 СВО дьиэ кэргэттэригэр.
Оскуола коллектива, профсоюз бэрэссэдээтэлэ Иван Сыромятников, детсад коллектива, профсоюз бэрэссэдээтэлэ Галина Маякулова, олохтоох дьаһалта, музей, библиотека, балыыһа, НТЭК олохтоох салаата, почта уонна депутаттар биэрдилэр.
Махтал буоллун амарах санаалаах тэрилтэбит үлэһиттэригэр Депутаттарбытыгар оҕолорго үөрүүнү бэлэхтээбиттэригэр!
Бу тэрээһини «Хомус» культура киинин үлэһиттэрэ ыыттылар. Хоһоон, ырыа ыллаан, үҥкүүлээн оҕолор Моруос оҕонньортон бэлэх ыллылар, маскарад куонкуруһугар кытыннылар.
Полина Скрябина