Нам улууһугар волейболга Саха сиригэр бастыыр иһин күрэхтэһии бэҕэһээ саҕаламмыта. Бүгүн 2011-12 сс. төрүөх оҕолорго волейбол салҕанар. Уолаттарга 8, кыргыттарга 10 хамаанда көрсөр.
Барыта 198 оҕо Амма, Кэбээйи, Горнай, Мэҥэ Хаҥалас, Хаҥалас, Уус Алдан, Усуйаана, Дьокуускай 1-кы хамаандата, Дьокуускай 2-с хамаандата, Таатта, Чурапчы, Нам улуустарыттан кэлэн күрэхтэһэр.
“Волейболга Саха сиригэр бастыыр иһин күрэхтэһии бэҕэһээ Намнааҕы педагогическай колледж уонна Култуура спорт комплекс саалаларыгар хойукка диэри буолбута. Бүгүн финал аҥарыгар оонньуулар Култуура спорт комплексыгар 13.00 ч. саҕаланыаҕа.
Нам уолаттара финал аҥарыгар тахсаннар бүгүн оонньуохтара. Кыргыттарбыт хомойуох иһин, күүстээх бөлөххө түбэһэннэр күрэхтэһииттэн туораатылар”, – диир тренер Диана Готовцева.
Харысхан Попов