Быйыл Нам улууһугар оҕо сайыҥҥы сынньалаҥын туһалаахтык атаарарын туһугар дьиэ кэргэттэр лааҕыр тэрийэн үлэлэттилэр.
Россияҕа Дьиэ кэргэн сыла биллэриллибитинэн, дьиэ кэргэттэр оҕолору үлэҕэ сыһыарарга “Дьиэ кэргэн политиката” программа чэрчитинэн, 23 хонуктаах, 4 чаас үлэлээх лааҕырдарга улуус дьаһалтата 50 000 солк. суума көмө харчыны көрбүт. Оттон Никольскайга, Көбөкөҥҥө 25 000 солк.
Оҕолору тыа хаһаайыстыбатыгар сыһыарыыга аналлаах 10-нуу оҕолоох Үөдэйгэ Екатерина Ядреева салайааччылаах “Тиэргэн”, Партизаҥҥа Харысхал Сардаана Хамаҕа кыыһа салайааччылаах “Эрэл”, Ульяна Зырянова салайааччылаах “Харысхал”, Семен Алексеев салайааччылаах “Чолбон”, Никольскайга Надежда Герасимова салайааччылаах “Надежда”, Хамаҕаттаҕа Екатерина Заболоцкая салайааччылаах “Сайылык оҕолоро”, Аппааныга Арыйаан Винокуров салайааччылаах “Дьөһөгөй”, Модукка Алквиад Протодьяконов салайааччылаах “Үчүгэй алаас оҕолоро” уонна 5 оҕолоох Көбөкөҥҥө Надежда Бурнашева салайааччылаах “Будущий фермер” лааҕырдар үлэлээбиттэрин улуустааҕы дьиэ кэргэн уонна ыччат отделын специалиһа Надежда Степанова этэр.
Бүгүҥҥү күҥҥэ “Чолбон”, “Харысхал”, “Надежда”, “Будущий фермер”, “Дьөһөгөй” үлэлии тураллар.
Харысхан Попов