Нам сэлиэнньэтигэр тэрилтэлэр икки ардыларыгар Ленскэй нэһилиэк олохтоох дьаһалтатын иһинэн үлэлиир “Лидер” спорт киин олохтообут спартакиадатыгар остуол тенниһигэр күрэхтэһии буолла.
Ол курдук, МВД, Намнааҕы алын кылаас оскуолатыттан, “Солнышко” уһуйаантан турбут хамаанда; улуустааҕы олохтоох дьаһалта 1-кы хамаандата; улуустааҕы олохтоох дьаһалта 2-с хамаандата; Илья Винокуров аатынан Намнааҕы педагогическай колледж хамаандата; “Якутлесресурс” уонна Намнааҕы 2-с нүөмэрдээх оскуола хамаандата кыттыыны ылбыттар.
Остуол тенниһигэр тыҥааһыннаах оонньуу кэнниттэн, МВД, Намнааҕы алын кылаас оскуолатыттан, “Солнышко” уһуйаантан хомуллубут хамаанда кыайыыны суруммут. Кыайыылаах тахсыбыт хамаанда бастакы үрдэлгэ тахсан турарыгар 1 очко быһаарбытын спортинструктор Анна Тимофеева бэлиэтиир.
Кинилэр кэннилэриттэн улуустааҕы олохтоох дьаһалта 1-кы хамаандата тахсар уонна үсүһү Намнааҕы педагогическай колледж теннисистэрэ ылаллар.
Тэрилтэлэр икки ардыларыгар ыытыллар спартакиада икки көрүҥэ хаалла. 2024 сыл түмүктэниэр диэри хамаандалар аны хабылыкка, хаамыскаҕа уонна канаат тардыһыытыгар күөн көрсүөхтэрэ.
Харысхан Попов