Намнааҕы тыа хаһаайыстыбатын управлениета иһитиннэрбитинэн, бүгүҥҥү күн туругунан улуус үрдүнэн барыта 12 409,500 гектар сир охсуллубутуттан, 18 705,200 т от бэлэмнэниллибит. Былааны толоруу 67,936 %-ҥа тэҥнэспит. Көбөкөн, Таастаах нэһилиэктэрэ былааннарын куоһарбыттар.
Ааспыт сылга күн-дьыл туран биэрэн, отчуттар күүскэ туттан-хаптан хаалбыттар. Ол курдук, былырыын атырдьах ыйын 7 күнүгэр 14 511,500 гектар иэннээх ходуһа охсуллубут, 21 783,700 т от бэлэмнэниллибит, былаан 75,353 % туолбут, түөрт нэһилиэк: Көбөкөн, Никольскай, Түбэ, Маймаҕа былааннарын куоһарбыттар.
Билигин ходуһаҕа 522 звено, (ол иһиттэн 344 механизированнай, 178 механизированнай аҥардаах), уопсайа 1279 киһи 666 техниканы туһанан оттууллар.
Нэһилиэктэр отторун былааннарын төһөтө туолбутун ылан көрдөххө:
- Арбын — 71,574 %
- Бөтүҥ — 30,486 %
- Үөдэй — 63,143 %
- Искра — 37,389 %
- Көбөкөн — 110,388 %
- Нам с. — 71,128 %
- Модут — 85,789 %
- Никольскай — 95,202 %
- Партизан — 58,899 %
- Салбаҥ — 72,458 %
- Таастаах — 111,582 %
- Түбэ — 67,838 %
- Фрунзе — 90,909 %
- Хамаҕатта — 82,979 %
- Хатыҥ Арыы — 78,470 %
- Хатырык — 43,677 %
- Маймаҕа — 88,636 %
- 1 Хомустах — 53,710 %
- 2 Хомустах — 68,387 %
Майя Федорова
Хаартыска: Светлана Кутукова